Wednesday, March 6, 2013

Formohet çifti i parë në BB6…?

foto
Joana: “Kam nevojë për përqafimet e tua”
Djemtë të cilët ishin duke biseduar në kopsht shkojnë në dhomat e gjumit e disa prej banorëve shtrihen për të fjetur gjumë. Anaidi shkon në dhomën e vajzave dhe shtrihet sërish pranë Joanës. Ai e pyet atë për lidhjen që ka lënë Joana jashtë, por ajo nuk kërkon të flasë e të japë shpjegime dhe e mbyll bisedën ende pa u hapur, duke thënë: “Nuk di se si të ta shpjegoj… Por përse pyet ti?”. Anaidi thotë se nuk e ka pyetur ndonjëherë dhe se do të donte të dinte diçka më shumë, por Joana ia pret shkurt: “Nëse do që raporti jonë të mos prishet, mos më pyet më”. Anaidit i bën përshtypje mënyra se si ata merren vesh me njëri-tjetrin dhe për këtë do të donte të dinte diçka më tepër, por respekton vendimin e saj dhe i premton se nuk ka për ta pyetur më. Pas disa minutash shakaje me njëri-tjetrin, Joana e rifillon sërish diskutimin, duke thënë se lidhur me bisedën që lanë përgjysmë, asaj i pëlqejnë përqafimet e Anaidit dhe i tregon atij se ka shumë nevojë për to, pasi janë shumë të ndiera. “Dua edhe përqafim edhe puthje te faqja”, i thotë Joana, ndërsa Anaidi bën shaka me fjalët e saj, duke e ndërruar bisedën e duke i dhënë sens humori. Pak minuta më vonë atje shkon Jonilda dhe Elona e të gjithë bashkë bisedojnë e bëjnë shaka, duke qeshur. Jonilda i tregon atyre për shakatë e Ilirit dhe për batutat e tij. Joana dhe Anaidi pyesin me shaka Elonën nëse i shikon dot si çift. Elona thotë se nuk shkojnë me njëri-tjetrin pasi janë të dy tipa impulsivë. Të njëjtën pyetje ia bëjnë edhe Jonilës, e cila me shaka i thotë Anaidit se Elona mund edhe ta hajë të gjallë atë. Kështu, banorët shpërthejnë në të qeshura, duke vazhduar të bëjnë shaka me njëri-tjetrin pwr minuta me radhë.